உத்தரகோசமங்கை கிழக்கு பிரதான வீதியில் போக்குவரத்து நெரிசல்
உத்தரகோசமங்கை: உத்தரகோசமங்கை மங்களநாதர் சுவாமி கோயிலுக்கு வரும் வெளி மாநில மற்றும் வெளி மாவட்ட பக்தர்களின் டூரிஸ்ட் பஸ்கள், கார்கள் கோயில் ராஜகோபுரம் முன்பக்க வளாகத்தில் நிறுத்தப்படுகின்றன.ராமநாதபுரத்தில் இருந்து கன்னியாகுமரி, சாயல்குடி, திருநெல்வேலி செல்லும் பஸ்கள் மற்றும் முதுகுளத்துார் செல்லும் பஸ்கள் உத்தரகோசமங்கை கிழக்கு ராஜகோபுரம் வழியாக செல்வது வழக்கம். கோயில் முன்புறம் வளாகத்தில் ஏராளமான டூரிஸ்ட் வாகனங்களால் அரசு பஸ்மற்றும் கனரக வாகனங்கள் செல்ல முடியாமல் போக்குவரத்து நெரிசல் ஏற்படுகிறது.இதனால் பொதுமக்களுக்கும் பக்தர்களுக்கும் இடையூறு ஏற்படுகிறது. எனவே உத்தரகோசமங்கை போலீசார் காலை, மாலை நேரங்களில் போக்குவரத்தை முறையாக ஒழுங்குபடுத்த நடவடிக்கை எடுக்க வேண்டும் என பக்தர்கள் கோரிக்கை விடுத்தனர்.