தி.மு.க.,வினருக்கு தீபாவளி பரிசு வழங்கல்

ஓமலுார், தி.மு.க.,வின், சேலம் மத்திய மாவட்டம், ஓமலுார் கிழக்கு ஒன்றியத்தில் உள்ள, 55 கிளை செயலர்கள், ஓமலுார் பேரூர் கட்சி நிர்வாகிகளுக்கு, தீபாவளி பரிசு தொகுப்பு வழங்கும் நிகழ்ச்சி, ஓமலுாரில் நேற்று நடந்தது. ஒன்றிய செயலர் ரமேஷ் தலைமை வகித்தார். அதில் ஓமலுார் தொகுதி பார்வையாளர் சுகவனம், தேர்தல் தொடர்பான ஆலோசனைகளை வழங்கி, பரிசு தொகுப்புகளை வழங்கினார். அதில் ரொக்கப்பரிசு, இனிப்பு, காரத்துடன், ஆண்களுக்கு வேட்டி, பெண்களுக்கு சேலை வழங்கப்பட்டன.மத்திய மாவட்ட பொருளாளர் கார்த்திகேயன், ஓமலுார் டவுன் பஞ்சாயத்து தலைவி செல்வராணி, நகர செயலர் ரவிச்சந்திரன், பொதுக்குழு உறுப்பினர்கள் பங்கேற்றனர். ஓமலுார் தெற்கு ஒன்றியத்திலும் பரிசு தொகுப்பு வழங்கப்பட்டது.-------------------------