ரேஷன் பணியாளர் சங்கம் ஆர்ப்பாட்டம்

சேலம், தமிழ்நாடு அரசு நியாயவிலைக்கடை பணியாளர் சங்கம் சார்பில், 11 அம்ச கோரிக்கைகளை வலியுறுத்தி, சேலம் கோட்டை மைதானத்தில் நேற்று ஆர்ப்பாட்டம் நடந்தது. மாநில துணைத்தலைவர் கணேசன் தலைமை வகித்தார்.அதில் ரேஷன் கடைகளுக்கு புது விற்பனை முனையம் வழங்குதல்; பணியாளர்களின் ஊதியத்தில் பிடித்தம் செய்யும் வருங்கால வைப்பு நிதியை, அதன் அலுவலகத்தில் செலுத்தல்; உயர்நீதிமன்ற உத்தரவுப்படி வாரிசு வேலை வழங்குதல்; பணியாளர்கள் வசிக்கும் பகுதியில் பணி ஒதுக்குதல்; அனைத்து நிதி பயன்களும், ஏ.டி.எம்., மூலம் பெற நடவடிக்கை தேவை உள்ளிட்ட, 11 அம்ச கோரிக்கைகளை வலியுறுத்தினர். அரசு பணியாளர் சங்க மாநில தலைவி சுகமதி, துணைத்தலைவர் பெரியசாமி, மாவட்ட தலைவர் கார்த்திக், பொருளாளர் ராஜூ, விற்பனையாளர்கள் பங்கேற்றனர்.