மைசூரு - காரைக்குடி ரயில் செங்கோட்டை வரை நீட்டிப்பு

காரைக்குடி: மைசூரு - - காரைக்குடி சிறப்பு ரயில் செங்கோட்டை வரை நீட்டிப்பு செய்ததற்கு ரயில் பயணிகள் நலச்சங்கத்தினர் வரவேற்பு தெரிவித்துள்ளனர். மைசூரு காரைக்குடிக்கு 2 நாள் சிறப்பு ரயில் இயக்கப்படுகிறது. காரைக்குடி வரை இயக்கப்பட்ட இந்த ரயிலானது தற்போது செங்கோட்டை வரை நீட்டிப்பு செய்யப்பட்டுள்ளது.செப்.4 மற்றும் 7 ஆகிய நாட்கள் இயக்கப்படுகிறது. மைசூரில் இருந்து இரவு 9:20 மணிக்கு புறப்பட்டு காரைக்குடிக்கு மறுநாள் காலை 11:05க்கும் செங்கோட்டைக்கு மாலை 4:50க்கு சென்றடையும்.இந்த ரயில், புதுக்கோட்டை, காரைக்குடி, சிவகங்கை, மானாமதுரை, அருப்புக்கோட்டை, விருதுநகர், ராஜபாளையம் வழியாக செங்கோட்டை வரை செல்லும்.செங்கோட்டை வரை ரயில் நீட்டிப்பு செய்யப்பட்டுள்ளதற்கு தொழில் வணிகக் கழகத்தினர் மற்றும் ரயில் பயணிகள் நலச் சங்கத்தினர் வரவேற்பு தெரிவித்துள்ளனர்.