குறுவட்ட விளையாட்டு போட்டி 21ம் நுாற்றாண்டு பள்ளி சாதனை

சிவகங்கை: குறுவட்ட விளையாட்டு போட்டியில் வெற்றி பெற்ற 21ம் நுாற்றாண்டு மெட்ரிக் பள்ளி மாணவர்களை, முன்னாள் எம்.பி.,சுதர்சன நாச்சியப்பன் பாராட்டினார். குறுவட்ட அளவில் நடந்த தடகள போட்டியில் 19 வயது பிரிவில் பிளஸ் 2 மாணவர் கதிரவன் 200 மீ., ஓட்டம், 110 மீட்டர் தடை தாண்டுதல், மும்முறை தாண்டுதலில் இரண்டாம் இடம் பிடித்தார். 300 மீ., ஓட்டத்தில் பிளஸ் 1 மாணவர் அருள்மொழித்தேவன் 3ம் இடம், 400 மீ., தடை தாண்டுதலில் 2 ம் இடம் பிடித்தார். ஈட்டி எறிதலில் பிளஸ் 1 மாணவர் ஜீவானந்தம் 2 இடமும், 19 வயது மாணவிகள் பிரிவில் ஹரிப்பிரியா 110 மீட்டர் தடை தாண்டுதலில் 2ம் இடமும், 14 வயது பிரிவு உயரம் தாண்டுதலில் 8ம் வகுப்பு மாணவி தேவாஸ்ரீமூன்றாம் இடமும் பிடித்தனர். குழு விளையாட்டுப் போட்டிகளில் 19 வயது பிரிவில் மாணவர்கள் கோகோவில் முதலிடமும்,எரிபந்து போட்டியில் மாணவிகள் 2ம் இடம் பிடித்தனர். இறகு பந்து ஒற்றையர் ஆட்டத்தில் பத்தாம் வகுப்பு மாணவி அனுஷ்கா முதலிடமும்,இரட்டையர் பிரிவில் அனுஷ்கா மற்றும் பிளஸ் 1 மாணவி ரக்சனா முதலிடம் பிடித்தனர். 14 வயது பிரிவில் மாணவர்கள் கால்பந்து போட்டியில் 2ம் இடமும், மாணவிகள் இறகு பந்து போட்டியில் 2ம் இடமும் பெற்றனர். மாணவர்களை முன்னாள் எம்.பி., சுதர்சன நாச்சியப்பன், முதன்மை முதல்வர் விவேகானந்தன், முதல்வர் சங்கீதா உள்ளிட்டோர் பாராட்டினர்.