காரைக்குடி: காரைக்குடி ரயில்வே ஸ்டேஷனில் வார விடுமுறைக்கு செல்ல பயணிகள் நேற்று மாலை குவிந்த நிலையில், ஒரேயொரு டிக்கெட் கவுன்டர் மட்டுமே செயல்பட்டதால் பயணிகள் சிரமப்பட்டனர். காரைக்குடி ரயில்வே ஸ்டேஷன் வழியாக 20க்கும் மேற்பட்ட விரைவு ரயில்கள் சென்று வருகிறது.காரைக்குடி ரயில்வே ஸ்டேஷனில் 2 டிக்கெட் கவுன்டர்கள் செயல்பட்டு வந்த நிலையில், தற்போது ஒரே ஒரு டிக்கெட் கவுன்டர் மட்டுமே செயல்படுகிறது.நேற்று மாலை திருச்சி, தாம்பரம், திருவாரூர், விருதுநகர் உள்ளிட்ட 4 ரயில்கள் சென்றதால் ஏராளமான பயணிகள் குவிந்தனர்.வார விடுமுறையையொட்டி பள்ளி கல்லூரி மாணவர்கள் அரசு ஊழியர்கள் சுற்றுலா வாசிகள் என ஏராளமானோர் ரயில்வே ஸ்டேஷனில் குவிந்தனர். ஒரே ஒரு டிக்கெட் கவுன்டர் மட்டுமே இருந்ததால் பயணிகள், டிக்கெட் எடுக்க முடியாமல் சிரமப்பட்டனர்.
கடந்த ஐம்பது ஆண்டுகாலமாய் காரைக்குடியில் வசிக்கும் ஒருவரின் கருத்து IRCTC வந்த பின்னர் கொண்டெரில் டிக்கெட் வாங்குபவர்கள் மிக குறைவு . அத்தி பூத்தாற்போல் வருடத்திற்கு ஆறு நாட்கள்தான் சற்று கூட்டம் , எனவே குறை கூறுவதை நிறுத்துங்கள்