விபத்து காரணம் என்ன

விபத்திற்கு காரணம் என்ன? காரைக்குடியில் இருந்து திண்டுக்கல் நோக்கி சென்ற பஸ், 'பி.எஸ்., 6' வகையை சேர்ந்தது. இந்த பஸ்சை தற்காலிக டிரைவரான கல்லல் அருகே கள்ளிப்பட்டையை சேர்ந்த சுதாகரன், 36, என்பவர் ஓட்டியுள்ளார். இந்த வகை பஸ்சை நன்கு பயிற்சி பெற்ற டிரைவர்கள் மட்டும் தான் ஓட்ட வேண்டும் என, அறிவுறுத்தப்பட்டுள்ளது. ஆனால், தற்காலிக டிரைவர் உரிய பயிற்சி பெறாமல் ஓட்டியுள்ளார். விபத்து நடந்த இடம் வளைவு பகுதி. இங்கு வளைவில் திரும்பிய போது, ரோட்டின் பாதிக்கு மேல் வலதுபுறமாக பஸ்சை இயக்கியதால் கட்டுப்பாட்டை இழந்து, எதிரே வந்த அரசு பஸ்சில் மோதி விபத்து நடந்துள்ளது முதற்கட்ட விசாரணையில் தெரியவந்துள்ளது. இந்த விபத்தில், திருப்பூரிலிருந்து காரைக்குடி சென்ற அரசு பஸ் டிரைவர் நிலக்கோட்டை செனராஜ், 36, பரிதாபமாக பலியானார். துணை ஜனாதிபதி இரங்கல் துணை ஜனாதிபதி சி.பி.ராதாகிருஷ்ணன் தன் 'எக்ஸ்' பக்கத்தில், 'சிவகங்கை மாவட்டத்தில் நிகழ்ந்த சாலை விபத்து பெரும் அதிர்ச்சி, வேதனையை அளிக்கிறது. விபத்தில் உயிரிழந்தவர்கள் குடும்பத்தினருக்கு ஆழ்ந்த இரங்கலையும், அனுதாபங்களையும் தெரிவிக்கிறேன். காயமடைந்த அனைவரும் விரைவில் நலம் பெற பிரார்த்திக்கிறேன்' என, தெரிவித்துள்ளார். அடுத்தடுத்த விபத்தால் அதிர்ச்சி தென்காசி மாவட்டம், கடையநல்லுார் அருகே இடைகால் துரைச்சாமியாபுரத்தில் முன்னால் சென்ற அரசு பஸ்சை முந்த முயன்ற, தனியார் பஸ் எதிரில் வந்த மற்றொரு தனியார் பஸ்சுடன் மோதியது. சில நாட்களுக்கு முன் நடந்த இந்த விபத்தில் ஆறு பெண்கள் உட்பட ஏழு பேர் பலியாகினர். இந்த சோகசுவடு மறையாத நிலையில், திருப்புத்துார் அருகே இரு அரசு பஸ்கள் நேருக்கு நேர் மோதி 11 பேர் பலியான சம்பவம் கடும் அதிர்ச்சியை ஏற்படுத்தி உள்ளது.