காரைக்குடி முத்துமாரியம்மன் கோயில்; மாசி -பங்குனி திருவிழா கொடியேற்றம்

காரைக்குடி : காரைக்குடி மீனாட்சிபுரம் முத்துமாரியம்மன் கோயில் மாசி பங்குனி திருவிழா நேற்று கொடியேற்றம், காப்பு கட்டுதலுடன் தொடங்கியது.இந்த ஆண்டு 68 வது மாசி பங்குனி திருவிழா நேற்று காலை கணபதி பூஜை,கொடியேற்றத்துடன் தொடங்கியது. தொடர்ந்து காப்பு கட்டுதல் நிகழ்ச்சி நடந்தது. குழந்தைகள் பெண்கள் உட்பட ஆயிரக்கணக்கான பக்தர்கள் காப்பு கட்டி கொண்டனர்.மார்ச்19 ம் தேதி கோயில் கரகம், மது,முளைப்பாரி எடுக்கும் நிகழ்ச்சி நடக்கிறது. மார்ச் 20ம் தேதி காவடி,பால்குடம் எடுத்தல், பூக்குழி இறங்குதல் நடைபெறுகிறது. மாலையில் கரகம் பருப்பூரணியில் சேர்க்கும் நிகழ்ச்சியும், இரவு காப்பு பெருக்குதல் நிகழ்ச்சியும் நடக்கிறது. மார்ச் 21 இரவு அம்மன் திருவீதி உலாவும் 22ம் தேதி சந்தன காப்பு அலங்காரம் நடைபெறுகிறது.ஏற்பாடுகளை உதவியாளர் ஞானசேகரன், செயல் அலுவலர் பாலாஜி பக்தர்கள் செய்து வருகின்றனர்.