டூவீலர் பழுது நீக்கும் பயிற்சி: விண்ணப்பம் வரவேற்பு

தேனி: தேனி தாலுகா அலுவலகம் எதிரில் கனரா வங்கி ஊரக சுய வேலை வாய்ப்பு பயிற்சி நிலையம் உள்ளது. இங்கு டூவீலர் பழுது நீக்கும் பயிற்சி அக்., 7 முதல் துவங்க உள்ளது. 18 வயது நிரம்பிய வேலை இல்லா கிராமப்புற ஆண்கள், பெண்கள் விண்ணப்பிக்கலாம். பயிற்சி, உணவு இலவசம். தினமும் காலை 9:30 முதல் மாலை 5:30 மணி வரை 30 நாட்கள் பயிற்சி நடைபெறும். பயிற்சியில் தேர்ச்சி பெறுவோருக்கு சான்றிதழ், தொழில் துவங்க வங்கிக் கடன் பெருவதற்கான ஆலோசனை அளிக்கப்படும். விரும்புவோர் தங்களது புகைப்படம், ஆதார் நகர் ஆகியவற்றுடன் அக்.,7க்கு முன் நேரில் வந்து முன்பதிவு செய்து பயன் பெறலாம். கூடுதல் விபரங்களுக்கு 95003 14193 என்ற எண்ணில் தொடர்பு கொள்ளலாம் என, இயக்குனர் ரவிக்குமார் தெரிவித்துள்ளார்.