தங்கல் பட நடிகை மரணம்

புதுடில்லி: பாலிவுட் நடிகர் அமீர் கானின் மகள்களில் ஒருவராக 'தங்கல்' படத்தில் நடித்த சுஹானி பாட்நகர், 19, அரிதான நோய் பாதிப்பால் காலமானார்.மல்யுத்தத்தில் பெண்கள் பங்கேற்பதை மையமாக வைத்து எடுக்கப்பட்ட தங்கல் என்ற ஹிந்தி படத்தில், அமீர்கானின் இளைய மகளாக நடித்தவர் சுஹானி பாட்நகர், 19. ஹரியானாவின் பரிதாபாத்தைச் சேர்ந்த இவருக்கு, இரண்டு மாதங்களுக்கு முன் கைகளில் சிவப்பு புள்ளிகள் ஏற்பட்டன. இதையடுத்து டில்லி எய்ம்ஸ் மருத்துவமனையில் அனுமதிக்கப்பட்டார். அங்கு அவருக்கு அரிதான தசை அலர்ஜி நோய் பாதிப்பு இருப்பது தெரியவந்தது. அதற்கு சிகிச்சை பெற்று வந்த நிலையில் நேற்று முன்தினம் இரவு உயிரிழந்தார். அவரது மறைவு பாலிவுட் வட்டாரத்தில் அதிர்ச்சியை ஏற்படுத்தி உள்ளது.