ஆர்.கே.பேட்டையில் வரும் 18ல் உங்களை தேடி; உங்கள் ஊரில்
திருவள்ளூர், ஆர்.கே.பேட்டையில், 'உங்களை தேடி; உங்கள் ஊரில் திட்டம்' வரும் 18ல் நடக்கிறது.இதுகுறித்து, திருவள்ளூர் கலெக்டர் பிரபுசங்கர் விடுத்துள்ள செய்திக்குறிப்பு:மக்களை நாடி, மக்கள் குறைகளை கேட்டு, உடனுக்குடன் தீர்வு காணும் வகையில், 'உங்களைத் தேடி; உங்கள் ஊரில்' திட்டம் செயல்படுத்தப்பட்டு வருகிறது.இத்திட்டத்தின் கீழ், மாதந்தோறும் ஒரு ஒன்றியத்தில் அனைத்து துறை அரசு அலுவலர்கள் களஆய்வு செய்து குறைகள் நிவர்த்தி செய்யப்படும்.அதன்படி, இம்மாதத்திற்கான கள ஆய்வு, வரும் 18ம் தேதி ஆர்.கே.பேட்டை வட்டத்தில் நடக்கிறது.இவ்வாறு அதில் கூறப்பட்டுள்ளது.