மாணவியர் கால்பந்து போட்டி: மைக்ரோ கிட்ஸ் சாம்பியன்

திருப்பூர் : பள்ளி கல்வித்துறை சார்பில், மாவட்ட மாணவியர், 14 வயது பிரிவினருக்கான கால்பந்து போட்டி, கணியாம்பூண்டி, மைக்ரோ கிட்ஸ் மெட்ரிக் மேல்நிலைப்பள்ளியில் நேற்று நடந்தது.மாவட்டத்தில் ஏழு குறுமையங்களில், குறுமைய அளவில் வெற்றி பெற்று முதலிடம் பெற்று, ஏழு அணிகள் பங்கேற்றன. காலிறுதி, அரையிறுதி போட்டிகளை தொடர்ந்து, மாலையில் இறுதி போட்டி நடந்தது. முன்னதாக இறுதி போட்டியை பள்ளி முதல்வர் சிவனேஷ்வரி துவக்கி வைத்தார்.திருப்பூர் வடக்கு குறுமையத்தை சேர்ந்த மைக்ரோ கிட்ஸ் பள்ளி அணி - உடுமலை குறுமையத்தை சேர்ந்த என்.வி., மெட்ரிக் பள்ளி அணி இறுதி போட்டியில் மோதின. துவக்கம் முதலே அதிரடி காட்டிய மைக்ரோ கிட்ஸ் பள்ளி அணி, 3 - 0 என்ற கோல் கணக்கில், வெற்றி பெற்று, மாநில போட்டிக்கு தகுதி பெற்றது.