டென்னிஸ் போட்டி கிட்ஸ் கிளப் அசத்தல்
திருப்பூர்; குறுமைய விளையாட்டில், கிட்ஸ் கிளப் மெட்ரிக் பள்ளி, மாவட்ட அளவிலான போட்டிக்கு தேர்வானது. திருப்பூர் தெற்கு குறுமைய அளவிலான டென்னிஸ் போட்டி நடந்தது. இதில், இப்பள்ளி மாணவர்கள், 19 வயது ஒற்றையர் பிரிவில், முதலிடம்; 17 வயது பிரிவில், இரண்டாமிடம் பெற்றனர். இறகுப்பந்து போட்டியில், 19 வயது இரட்டையர் பிரிவில் இரண்டாமிடம் பெற்றனர். பீச் வாலிபால், கையுந்து போட்டியில், 17 வயது பிரிவில் இரண்டாமிடம் பெற்றனர். மேஜைப்பந்து போட்டியில், 19 வயது பிரிவில், இரண்டாமிடம் பெற்றனர். வெற்றி பெற்ற மாணவர்களை பள்ளி தலைவர் மோகன் கார்த்திக், தாளாளர் வினோதினி, செயலாளர் நிவேதிகா, இயக்குனர் ஐஸ்வர்யா, பள்ளி முதல்வர் மற்றும் உடற்கல்வி ஆசிரியர்கள் பரிசு வழங்கி பாராட்டினர்.