வீட்டின் பூட்டை உடைத்து 22 சவரன் நகை கொள்ளை

செஞ்சி: செஞ்சி அருகே வீட்டின் பூட்டை உடைத்து 22 சவரன் நகைகளை கொள்ளையடித்துச் சென்ற நபர்களை போலீசார் தேடி வருகின்றனர்.செஞ்சி அடுத்த செம்மேடு மெயின் ரோட்டைச் சேர்ந்தவர் ராஜபிரபு, 42; சென்னையில் தனியார் மருத்துவமனையில் மருந்தாளுனராக பணிபுரிந்து வருகிறார்.இவர், கடந்த 29ம் தேதி இரவு தனது மனைவி, தந்தை மற்றும் பிள்ளைகளுடன் கொடைக்கானல் மற்றும் பழனிக்கு சுற்றுலா சென்றார்.நேற்று காலை 11:30 மணிக்கு திரும்பி வந்து பார்த்தபோது வீட்டின் பூட்டு உடைக்கப்பட்டிருந்தது. உள்ளே சென்று பார்த்தபோது பீரோவில் இருந்த செயின், நெக்லஸ், மோதிரம் உள்ளிட்ட 22 சவரன் நகைகள் கொள்ளை போனது தெரியவந்தது.புகாரின் பேரில் நல்லான்பிள்ளை பெற்றாள் போலீசார் வழக்குப் பதிந்து விசாரித்து வருகின்றனர்.