கல்லுாரி மாணவி மாயம் போலீசில் தந்தை புகார்

திண்டிவனம்: கல்லுாரிக்கு சென்ற மகள் வீடு திரும்பவில்லை என்று, தந்தை போலீசில் புகார் செய்துள்ளார்.திண்டிவனம் அருகே உள்ள தாதாபுரம் சிங்காணிக்குப்பம் கிராமத்தை சேர்ந்தவர் பார்த்தீபன். இவரது மகள் ஹரிணி, 19; இவர் திருவண்ணாமலை மாவட்டம், தெள்ளாறிலுள்ள தனியார் மகளிர் கல்லுாரியில் பி.எஸ்சி.,இரண்டாம் ஆண்டு படித்து வருகிறார். இவர் கடந்த 9 ம் தேதி வழக்கம் போல காலை 8 மணிக்கு கல்லுாரிக்கு சென்றவர் வீடு திரும்பவில்லை. பல இடங்களில் தேடிப்பார்த்தும் அவர் எங்கு சென்றார் என்ற விபரம் தெரியவில்லை. இதுபற்றி அவரது தந்தை பார்த்தீபன் கொடுத்த புகாரின் பேரில் வெள்ளிமேடுப்பேட்டை போலீசார் வழக்கு பதிவு செய்து விசாரணை நடத்தி வருகின்றனர்.