நகராட்சி மேல்நிலை பள்ளியில் தினமலர் - பட்டம் வினாடி வினா

விழுப்புரம்: 'தினமலர் - பட்டம்' இதழ், ஆச்சார்யா கல்விக் குழுமம் இணைந்து நடத்தும், பதில் சொல்; பரிசு வெல் வினாடி வினா போட்டி, விழுப்புரம் பி.என். தோப்பு நகராட்சி மேல்நிலை பள்ளியில் நடந்தது. பள்ளியில் நடந்த முதற்கட்ட போட்டியில் 100க் கும் மேற்பட்ட மாணவ, மாணவிகள் பங்கேற்றனர். அதிக மதிப்பெண் பெற்ற 16 மாணவ, மாணவிகள் தேர்வு செய்து, 8 குழுக்களாக பிரிக்கப்பட்டு 2 சுற்று போட்டி நடந்தது. பள்ளியின் தலைமை ஆசிரியர் ரகு தலைமை தாங்கினார். பட்டதாரி ஆசிரியர்கள் முருகன், சவுந்தர்ராஜன் முன்னிலை வகித்தனர். இதில், 7 ஆம் வகுப்பு மாண வர்கள் கார்த்தி கே யன், முகிலன் முதலிடமும், 7 ஆம் வகுப்பு மாண வி குணவதி, 8ம் வகுப்பு மாணவர் ஜீவன்யா இரண்டாமிடம் பிடித்தனர். வெற்றி பெற்ற மாணவ, மாணவிகளுக்கு விழுப்புரம் மாவட்ட பா.ம.க., இளைஞரணி செயலாளர் சீத்தாராஜா சான்றிதழ் மற்றும் கேடயம் வழங்கினார். போட்டியில் பங்கேற்ற அனைவருக்கும் சான்றிதழ் வழங்கப்பட்டது.