ரெட்டணை ஹோலி ஏஞ்சல் பள்ளியில் உணவு திருவிழா

மயிலம்: மயிலம் அடுத்த ரெட்டணை ஹோலி ஏஞ்சல் மெட்ரிக் மேல்நிலைப் பள்ளியில் பாரம்பரிய உணவு திருவிழா நடந்தது. பள்ளி வளாகத்தில் நடந்த விழாவிற்கு, தாளாளர் பழனியப்பன் தலைமை தாங்கினார். முதுநிலை முதல்வர் அகிலா முன்னிலை வகித்தார். டாக்டர் கீர்த்தி வாசன் வரவேற்றார். சென்னை, அண்ணா பல்கலைக்கழக பொறியாளர் மணிகண்டன் உணவு திருவிழாவை துவக்கி வைத்து பாரம்பரிய உணவு முறைகள் குறித்து சிறப்புரையாற்றினார். விஜய் சர்மா, வெங்கடாஜலபதி, ரவி உட்பட பலர் பங்கேற்றனர். பள்ளியில் பயிலும் 150 மாணவ, மாணவியர்கள் தயாரித்த பாரம்பரிய உணவு வகைகளான ராகி கஞ்சி, ராகி இட்லி, கோதுமை ரவை, கம்பு களி, திணை அதிரசம், திணைக்கஞ்சி, சிறுதானிய பயிர்கள், சிறு தானியங்கள் மூலம் தயாரிக்கப்பட்ட உணவு வகைகள், கேரட் அல்வா, செம்பருத்தி டீ , கேரட் ஜூஸ், கேழ்வரகு அடை, தேனும் திணை மாவும், பனை மரத்தின் குருத்து, பப்பாளி சாறு போன்ற பல்வேறு வகையான விதவிதமான மூலிகை சார்ந்த பாரம்பரிய உணவுகளை வகைப்படுத்தி காட்சிப்படுத்தியிருந்தனர். இவைகளில் நோய் தீர்க்கும் தன்மை, தாது, புரதம் சத்துகள் உள்ளதாக மாணவர்கள் தெரிவித்தனர். பள்ளி ஆசிரியர்கள், பெற்றோர்கள், மாணவர்கள் உட்பட பலர் பங்கேற்றனர்.