திண்டிவனம் நகராட்சியில் நியமன கவுன்சிலர் பதவியேற்பு

திண்டிவனம்: திண்டிவனம் நகராட்சி நியமன கவுன்சிலருக்கு கமிஷனர் பதவி பிரமாணம் செய்து வைத்தார். தமிழக அரசு உத்தரவின்படி, உள்ளாட்சி அமைப்பு சட்டத்தில் மாற்றுத் திறனாளிகளுக்கான நியமன கவுன்சிலர் பதவிக்கு திண்டிவனம் நகராட்சி 6வது வார்டைச் சேர்ந்த சரவணன் தேர்வு செய்யப்பட்டார். இவருக்கான பதவி ஏற்பு விழா நகர மன்ற தலைவர் நிர்மலாரவிச்சந்திரன் முன்னிலையில் நடந்தது. கமிஷனர் பானுமதி, நியமன கவுன்சிலர் பதவி பிரமாணம் செய்து, வைத்தார். கமிஷனர் முன்னிலையில் நியமன கவுன்சிலர் உறுதி மொழி ஏற்றுக்கொண்டார். நிகழ்ச்சியில், நகர மன்ற துணைத் தலைவர் ராஜலட்சுமிவெற்றிவேல், கவுன்சிலர்கள் ரவிச்சந்திரன், சின்னசாமி, நந்தகுமார், சந்திரன், சுதாகர், ராஜேந்திரன், செல்வம், பரணிதரன், தில்ஷாத்பேகம், லதாசாரங்கபாணி, சரவணன், பாஸ்கர் உட்பட பலர் பங்கேற்றனர். அ.தி.மு.க.,வினர் எதிர்ப்பு நியமன கவுன்சிலர் சரவணன் வசதியாக இருப்பதால், அவர் முறைகேடாக நியமிக்கப்பட்டதாக கூறி அ.தி.மு.க., கவுன்சிலர்கள் எதிர்ப்பு தெரிவித்து, கமிஷனரை முற்றுகையிட்டு பிரச்னை செய்தனர். ஆனால் எதிர்ப்பையும் மீறி, ஆளுங்கட்சி கவுன்சிலர்கள் முன்னிலையில் நியமன கவுன்சிலராக சரவணன் பதவியேற்றுக் கொண்டார்.