கலிபோர்னியாவில் விழுந்து நொறுங்கியது அமெரிக்க கடற்படை போர் விமானம்

கலிபோர்னியா: அமெரிக்க கடற்படைக்கு சொந்தமான எப்-35சி ரக போர் விமானம், பயிற்சியின் போது கலிபோர்னியாவில் கீழே விழுந்து நொறுங்கியது.மத்திய கலிபோர்னியாவின் ப்ரெஷ்னோ நகரில் இருந்து தெற்கு மேற்கு பகுதியின் 64 கிலோ மீட்டர் தொலைவில் கடற்படைக்கு சொந்தமான லீமோர் கடற்படை விமான தளம் அமைந்துள்ளது. இங்கு எப்-35சி ரக போர் விமானம் திடீரென தரையில் விழுந்து நொறுங்கியது. அதிர்ஷ்டவசமாக விமானி வெளியே குதித்து உயிர் தப்பினார்.எப்-35சி ரக விமானங்கள், பயிற்சி மற்றும் போரின் போது பயன்படுத்தப்படுகிறது. கடற்படையின் வி.எப் 125 ரப் ரைடர்ஸ் எனப்படும் பயிற்சி படைப்பிரிவினர் எப்-35 ரக போர் விமானங்களை பயன்படுத்தி வருகின்றனர். வழக்கமான பயிற்சியில் ஈடுபட்டிருந்த போது இந்த விமானம் விபத்தில் சிக்கியது. இது குறித்து தகவல் அறிந்தவுடன் தீயணைப்பு மற்றும் மீட்பு குழுவினர் சம்பவ இடத்திற்கு விரைந்துள்ளனர்.