தேதி சொல்லும் சேதி

ஆகஸ்ட் 6, 1945 - ஹிரோஷிமா நாள் இரண்டாம் உலகப் போரில், ஹிரோஷிமா (ஜப்பான்) மீது அமெரிக்கா அணுகுண்டு வீசியது. இதை நினைவுகூரவும், அணுகுண்டின் ஆபத்துகளை உலகுக்கு உணர்த்தவும், இந்த நாள் கடைப்பிடிக்கப்படுகிறது.ஆகஸ்ட் 6, 1881 - அலெக்சாண்டர் ஃப்ளமிங் பிறந்த நாள்பல்வேறு வகையான நோய்களுக்கு எதிர்ப்பு மருந்தாக இருக்கும் பென்சிலினைக் கண்டுபிடித்தார். மருத்துவத் துறையில் புரட்சியை ஏற்படுத்தி, 1944இல் 'சர்' பட்டமும், 1945இல் நோபல் பரிசும் பெற்றார். ஆகஸ்ட் 8, 1942 - வெள்ளையனே வெளியேறு தினம்பிரிட்டிஷ் அரசை அடிபணிய வைக்க காந்திஜி தலைமையில் நடந்த பெரும் போராட்ட இயக்கம். 'ஆகஸ்ட் புரட்சி' எனப்படும் இந்த இயக்கம் சுதந்திரப் போராட்டத்துக்கு அடித்தளம் அமைத்தது. ஆகஸ்ட் 10, 1894 - வி.வி.கிரி பிறந்த நாள் இந்தியாவின் நான்காவது குடியரசுத் தலைவர். 1967இல் துணைக் குடியரசுத் தலைவராக இருந்தார். இவரால் தொழிலாளர் சங்கங்கள் வளர்ச்சி அடைந்தன. 1975இல் 'பாரத ரத்னா' விருது பெற்றார்.ஆகஸ்ட் 12, 1892 - எஸ்.ஆர்.ரங்கநாதன் பிறந்த நாள்இந்திய நூலக அறிவியலின் தந்தை. நூலக நிர்வாகம் தொடர்பாக 60க்கும் மேற்பட்ட நூல்களை எழுதியுள்ளார். வாசிப்புப் பழக்கத்தை ஊக்குவிக்க, இந்த நாள் தேசிய நூலகர் நாளாகக் கொண்டாடப்படுகிறது.ஆகஸ்ட் 12, 1919 - விக்ரம் சாராபாய் பிறந்த நாள்இந்திய விண்வெளி அறிவியலின் தந்தை. இஸ்ரோ ஆராய்ச்சிக் குழுவின் தலைவராக இருந்து, ராக்கெட் வடிவமைக்கும் திட்டங்களை வகுத்தார். கேரள மாநிலம் திருவனந்தபுரத்தில் உள்ள தும்பா ராக்கெட் ஏவுதள நிலையத்துக்கு இவரது பெயர் சூட்டப்பட்டுள்ளது.