நடனக் கலைஞர்களுக்கு விழிப்புணர்வு அளித்த ரம்யா சங்கரன்

நடனத்தை ரசிப்பதும், அதை மெருகேற்றுவதில் மட்டுமே, பெரும்பாலான கலைஞர்கள் ஆர்வம் காட்டும் நிலையில், நடனக்கலைஞர்கள், தங்கள் உடல், மனம் வலுவிழக்காமல் கவனித்துக் கொள்வது எப்படி என்பது குறித்த, சிந்தனை பலருக்கும் வருவதில்லை; அதன் விளைவு, இளம் பருவத்தில், தாங்கள் கற்ற கலையில் கைதேர்ந்தவர்களாக விளங்கும் கலைஞர்கள், குறிப்பிட்ட வயதுக்கு பின், ஓய்வெடுக்க வேண்டியிருக்கிறது.இந்த சிந்தனையின் அடிப்படையில், திருப்பூர் கவிநயா நாட்டியாலயா நடனப்பள்ளி நிறுவனர் மேனகா ஏற்பாட்டில், அமெரிக்கா நியூ ஜெர்ஸியில் வசிக்கும் இந்திய வம்சா வழியை சேர்ந்த ரம்யா சங்கரன், 34 என்பவர் வாயிலாக, நடனம் மற்றும் யோகா கலைஞர்கள், உடல் காயம் ஏற்படாமல், தங்கள் கலையை தொடர்ந்து கற்பது குறித்த பயிற்சியை வழங்கினர். காயம் ஏற்பட்டால், அதில் இருந்து எவ்வாறு விடுபடுவது என்பது குறித்த விளக்கத்தையும் வழங்கினார். பரதம், மோகினியாட்டம், யோகா ஆகிய கலைகளை மையப்படுத்தி, அவர், இந்த பயிற்சி வழங்கினார்.ரம்யா சங்கரன் கூறியதாவது:ஒவ்வொரு நடனத்தின் போதும், உடலில் எந்தெந்த தசைகளின் அசைகின்றன என்பது குறித்தும், அதில் காயம் ஏற்படாமல் தவிர்ப்பது எப்படி என்பது குறித்து பலரும் அறியாமல் உள்ளனர்; அதுகுறித்த விழிப்புணர்வை, நடனக் கலைஞர்களுக்கு வழங்கியுள்ளேன். சிறு வயது முதல் நடனப்பயிற்சி பெற்று, நடனமாடி வரும் பலர், தங்களின் உடல் நலனில் அக்கறை காட்டாத பட்சத்தில், 18 வயதுக்கு மேல் நடனமாட சிரமப்படுவர். இதை தவிர்க்க, இதுபோன்ற பயிற்சிகள் அவசியம். நடனத்தின் மீது மட்டுமே நாட்டம் கொண்டுள்ளவர்களுக்கு, அவர்களின் உடல் மற்றும் மனம் சார்ந்த கற்பிக்கப்படும் விஷயங்கள், மிகுந்தபயனளிப்பதாக கூறுகின்றனர்.இவ்வாறு, அவர் கூறினார்.கவிநயா நாட்டியப்பள்ளி நிறுவனர் மேனகா கூறுகையில், ''நடனக் கலைஞர்கள் உடல் நலனில் எவ்வளவு அக்கறையின்மையுடன் செயல்படுகின்றனர் என்பதை மிக தெளிவாக உணர்த்தினார் ரம்யா. இவ்வாறு அவர் கூறினார்.

அமெரிக்கர் ஆர்வம்

ரம்யா கூறுகையில், ''அமெரிக்கா நியூ ஜெர்ஸியில், அத்யமா டான்ஸ் கம்பெனி நடத்திவருகிறேன். இந்திய வம்சா வழியை சேர்ந்தவர்கள், அமெரிக்கர்கள் என பலரும் நடனம், யோகா கற்றுக் கொள்கின்றனர். பரதம், மோகினியாட்டம் உள்ள இந்திய நடனக்கலைகளை ரசிப்பதில், அமெரிக்கர்கள் அலாதி பிரியம் கொண்டுள்ளனர். இந்திய இளைஞர்கள் எவ்வாறு, 'ஜிம்' சென்று உடற்பயிற்சியில் ஆர்வம் காட்டுகின்றனரோ அதுபோன்று, அமெரிக்கர்கள், யோகா பயிற்சி செய்வதில் ஆர்வம் காட்டுகின்றனர் ,'' என்றார். இவர், நாட்டிய ஸ்ரீமாலா, நடன கலாபூஷன், நிரித்யா விலாசினி என்பது போன்ற பல விருதுகளை பெற்றுள்ளார்.நடனத்தின் மீது மட்டுமே நாட்டம் கொண்டுள்ளவர்களுக்கு, அவர்களின் உடல் மற்றும் மனம் சார்ந்த கற்பிக்கப்படும் விஷயங்கள், மிகுந்த பயனளிப்பதாக கூறுகின்றனர்

யோகா கற்க அமெரிக்கர் ஆர்வம்

ரம்யா கூறுகையில், ''அமெரிக்கா நியூ ஜெர்ஸியில், அத்யமா டான்ஸ் கம்பெனி நடத்திவருகிறேன். இந்திய வம்சா வழியை சேர்ந்தவர்கள், அமெரிக்கர்கள் என பலரும் நடனம், யோகா கற்றுக் கொள்கின்றனர். பரதம், மோகினியாட்டம் உள்ள இந்திய நடனக்கலைகளை ரசிப்பதில், அமெரிக்கர்கள் அலாதி பிரியம் கொண்டுள்ளனர். இந்திய இளைஞர்கள் எவ்வாறு, 'ஜிம்' சென்று உடற்பயிற்சியில் ஆர்வம் காட்டுகின்றனரோ அதுபோன்று, அமெரிக்கர்கள், யோகா பயிற்சி செய்வதில் ஆர்வம் காட்டுகின்றனர். அமெரிக்காவில், நடனப்பயிற்சி வழங்கும் பயிற்சியாளர்கள் இணைந்து, ஆங்காங்கே கலை நிகழ்ச்சி அரங்கேற்றுவதுண்டு,'' என்றார். இவர், நாட்டிய ஸ்ரீமாலா, நடன கலாபூஷன், நிரித்யா விலாசினி என்பது போன்ற பல விருதுகளை பெற்றுள்ளார்.