தென்னிந்திய நடிகர்களை ஓரம்கட்டிய ராஷ்மிகா : போர்ப்ஸ் டாப் 10ல் சூர்யா, 13வது இடத்தில் தனுஷ்
ADDED : 1501 days ago
பிரபல பத்திரிகையான போர்ப்ஸ் இந்தியா தென்னிந்திய சினிமாவில் இன்ஸ்டாகிராம் சமூக வலைத்தளம் மூலம் அதிக தாக்கத்தை ஏற்படுத்தியுள்ள டாப் 30 சினிமா பிரபலங்களைப் பட்டியலிட்டுள்ளது. அதில், தென்னிந்திய சினிமா பிரபலங்கள்தான் அதிக இடத்தைப் பிடித்துள்ளனர். டாப் 10 பட்டியலில் நடிகை ராஷ்மிகா மந்தனா 10க்கு 9.88 புள்ளிகள் பெற்று முதலிடத்தில் உள்ளார். தமிழ் நடிகரான சூர்யா 9.37 புள்ளிகள் பெற்று 9வது இடத்தைப் பிடித்துள்ளார்.
தமிழ் நடிகரான தனுஷ் 9.33 புள்ளிகள் பெற்று 13வது இடத்திலும், விஜய் சேதுபதி 9.22 புள்ளிகள் பெற்று 29வது இடத்தையும் பிடித்துள்ளனர். பிரபலங்களின் பதிவுகளுக்குக் கிடைக்கும் லைக்குகுள், கமெண்ட்டுகள், அவர்களைத் தொடர்பவர்களின் எண்ணிக்கை, வீடியோக்களின் பார்வைகள், பாலோயர்களின் எண்ணிக்கை, பதிவுகளின் ரீச் ஆகியவற்றைக் கணக்கிட்டு இந்தப் பட்டியல் வெளியிடப்பட்டுள்ளது.
தமிழ், தெலுங்கு, மலையாளம், கன்னடம் ஆகிய திரையுலகத்தைச் சேர்ந்த பிரபலங்களின் சமீபத்திய 25 பதிவுகள் இதற்காக கணக்கில் எடுத்துக் கொள்ளப்பட்டுள்ளன.
டாப் 10 பட்டியல்
01. ராஷ்மிகா மந்தனா - 9.88 புள்ளிகள்
02. விஜய் தேவரகொன்டா - 9.67
03. யாஷ் - 9.54
04. சமந்தா - 9.49
05. அல்லு அர்ஜுன் - 9.46
06. துல்கர் சல்மான் - 9.42
07. பூஜா ஹெக்டே - 9.41
08. பிரபாஸ் - 9.40
09. சூர்யா - 9.37
10. தமன்னா - 9.36
மகேஷ் பாபு, ராம்சரண், தனுஷ், ஜுனியர் என்டிஆர், காஜல் அகர்வால், ராஷி கண்ணா, ரகுல் ப்ரீத் சிங், இலியானா, நானி, சாய் பல்லவி, டொவினோ தாமஸ், அகில் அக்கினேனி, அனுஷ்கா, ஸ்ருதிஹாசன், சாய் தரம் தேஜ், மாதவன், வருண் தேஜ், ஷ்ரேயா சரண், விஜய் சேதுபதி, நித்யா மேனன் ஆகியோர் முறையே 11வது இடத்திலிருந்து 30வது இடம் வரை பிடித்துள்ளனர்.