சிக்மா படத்தின் டீசர் எப்படி இருக்கு

நடிகர் விஜயின் மகன் ஜேசன் சஞ்சய் முதல் முறையாக தமிழில் 'சிக்மா' எனும் ஒரு படத்தை கடந்த பல மாதங்களாக இயக்கி வருகிறார். லைகா நிறுவனம் தயாரிக்கும் இப்படத்தில் சந்தீப் கிஷன் கதாநாயகனாக நடித்துள்ளார். இதில் பரியா அப்துல்லா, ராஜூ சுந்தரம்,சம்பந்த் ராஜ், ஷீலா ராஜ்குமார் உள்ளிட்டோர் முக்கிய கதாபாத்திரங்களில் நடித்துள்ளனர்.

இந்த படத்தின் டீசர் வெளியாகி உள்ளது. சுமார் ஒரு நிமிடம் 9 நொடிகள் ஓடும் இந்த டீசரை பரபரப்பாக படத்தொகுப்பு செய்துள்ளனர். கதையை பெரிதளவில் டீசரில் கூறவில்லை என்றாலும் பணம் கடத்தல் சம்மந்தப்பட்ட படம் என காட்டியுள்ளனர். தமனின் பின்னனி இசையும் டீசருக்கு வலு சேர்த்துள்ளது. டீசராக நன்றாக இருக்கிறது. 17 மணிநேரத்தில் 16 லட்சத்திற்கும் அதிகமான பார்வைகளை பெற்றுள்ளது. ஒரு இயக்குனராக ஜேசன் தனது முதல் படத்திலேயே ஜெயிப்பாரா என்பது படம் வெளியானதும் தெரிந்துவிடும்.