வெளி நிறுவனங்களுக்கு மறுப்பு சொல்லும் நயன்தாரா

நானும் ரவுடி தான் படத்தின் மூலம் நயன்தாராவுடன் இணைந்தார் விக்னேஷ் சிவன். அதிலிருந்து அவர்கள் காதலில் இருப்பதாக பேசப்பட்டது. இவர்கள் எப்போது திருமணம் செய்துக் கொள்வார்கள் என அனைவரும் எதிர்பார்த்துக் கொண்டிருக்கும் நிலையில் தனக்கு நிச்சயதார்த்தம் ஆகி விட்டதாக சமீபத்தில் டிவிநிகழ்ச்சியில் கலந்துக் கொண்ட நயன்தாரா மெளனம் கலைத்தார்.

தற்போது காதலர் விக்னேஷ் சிவன் இயக்கத்தில் காத்துவாக்குல ரெண்டு காதல், ரஜினியுடன் அண்ணாத்த, இந்தியில் அட்லீ இயக்கத்தில் ஷாருக்கான் நடிக்கும் படம் உள்பட சில படங்களில் நடித்து வரும் நயன்தாரா திருமணத்துக்கு தயாராகிவிட்டார் என்கிறார்கள். இதனால் வெளி நிறுவன படங்களை தவிர்க்கும் அவர் சொந்த தயாரிப்பில் மட்டும் சில படங்கள் நடிக்க திட்டமிட்டுள்ளாராம். லீட் ரோல்களில் மட்டும் நடிக்க இருக்கிறார்.