புஷ்ப விமானத்தில் திருவொற்றியூர் வட்டப்பாறையம்மன் மாடவீதி உலா
ADDED :12 hours ago
திருவொற்றியூர்: தியாகராஜ சுவாமி உடனுறை வடிவுடையம்மன் கோவிலில், வட்டப்பாறையம்மன் உத்சவத்தின் மூன்றாம் நாளில், உற்சவ தாயார், விருக்ஷி பூ மாலை அணிந்து, புஷ்ப விமானத்தில் எழுந்தருளி மாடவீதியில் உலா வந்து அருள்பாலித்தார்.
திருவொற்றியூர், தியாகராஜ சுவாமி உடனுறை வடிவுடையம்மன் கோவில், 2,000 ஆண்டுகள் பழமையானது. இக்கோவிலில், வடக்கு முகம் நோக்கி, வட்டப்பாறையம்மன் தனி சன்னதியில் எழுந்தருளி உள்ளார். இந்த கோவிலில், வட்டப்பாறையம்மன் உத்சவ ஏழு நாள் விழா கொடியேற்றத்துடன் துவங்கி சிறப்பாக நடைபெற்று வருகிறது. வட்டப்பாறையம்மன் உத்சவத்தின் மூன்றாம் நாளான இன்று உற்சவ தாயார், விருக்ஷி பூ மாலை அணிந்து, புஷ்ப விமானத்தில் எழுந்தருளி மாடவீதியில் உலா வந்து அருள்பாலித்தார். ஏராளமான பக்தர்கள் கலந்து கொண்டு தரிசனம் செய்தனர்.