அங்காளம்மன் கோவிலில் அமாவாசை சிறப்பு பூஜை

காவேரிப்பட்டணம்: காவேரிப்பட்டணம் அங்காளம்மன் கோவிலில் அமாவாசை சிறப்பு பூஜை இன்று நடக்கிறது. இதையொட்டி காலையில் அம்மனுக்கு சிறப்பு அபிஷேகம், அலங்காரம், பூஜைகள் நடக்கிறது. மதியம் பக்தர்களுக்கு அன்னாதனம் வழங்கப்படுகிறது. மாலையில் அம்மன் பிரகார உற்சவம் செல்லும் நிகழ்ச்சி நடக்கிறது.

* தர்மபுரி வெளிப்பேட்டை தெரு அங்காளம்மன் கோவிலில் அமாவாசை முன்னிட்டு இன்று காலை அம்மனுக்கு சிறப்பு அபிஷேகம் அலங்காரம் நடக்கிறது. 10.30 மணிக்கு அம்மன் திருவீதி உலாவும், 12 மணிக்கு பக்தர்களுக்கு அன்னதானம் வழங்கும் நிகழ்ச்சி நடைபெறுகிறது. இரவு, 9 மணிக்கு ஜாமபூஜை நடக்கிறது.

* தர்மபுரி எஸ்.வி., ரோடு ஆஞ்சநேயர் கோவில், கெரகோட ஹள்ளி வீரதீர விவோக ஆஞ்சநேயர் கோவில், இண்டூர் ஆஞ்சநேயர் கோவில், முத்தம்பட்டி ஆஞ்சநேயர் கோவில், பாலக்கோடு கடமடை ஆஞ்சநேயர் கோவில், தொப்பூர் மன்ரோ கணவாய் ஆஞ்சநேயர் கோவில் உட்பட பல்வேறு கோவில்களில் அமாவாசையை ஒட்டி சுவாமிக்கு சிறப்பு அபிஷேகம், அலங்காரம், பூஜைகள், அன்னதானம் ஆகியவை நடக்கிறது.