உள்ளத்தில் உறுதி வேண்டும்

* ஒருவனுக்கு உள்ளத்தில் உறுதி இருந்தால் எண்ணியதை அடைய முடியும். * நீதி தவறாமல் வாழும் மனிதன் வானுலக தேவர்களுக்கு இணையாக மதிக்கப்படுவான்.* ஒருவரின் குணத்தை மதிக்க கற்றுக் கொள்ள வேண்டும். ஒருவரிடம் இருக்கும் பணத்துக்காக மதிப்பது கூடாது. * மழையை எதிர்பார்த்து உயிர்கள் வாழ்வது போல, மக்கள் நேர்மையானவர்களின் நல்லாட்சியை எதிர்பார்த்து வாழ்கின்றனர். * குடும்பத்தை மேன்மை அடையச் செய்வேன் என்னும் உறுதியுடையவனுக்கு தெய்வம் தன் ஆடையை இறுக உடுத்திக் கொண்டு உதவிட முன் வரும்.* துன்பம் வரும் போது தாங்குவதற்கு நல்ல பிள்ளைகள் இல்லாத வீடும், நாடும் அடிப்பகுதியை வெட்டிய மரம் போல் விழுந்து விடும்.* குளத்தில் உள்ள தாமரை மலரின் தண்டு, நீரின் ஆழத்திற்கேற்ப வளர்வது போல, ஒருவரின் உயர்வு அவரது முயற்சிக்கேற்ப இருக்கும்.* பிறருக்கு உதவுபவர்கள் வறுமையுடன் இருப்பது கொடுமையானது. பிறருக்கு தீங்கு செய்பவர்கள் செல்வ வளத்துடன் இருப்பது கொடுமையிலும் கொடுமையானது.சொல்கிறார் திருவள்ளுவர்