கேளுங்க சொல்கிறோம்

எம்.லதா, அவிநாசி, கோயம்புத்துார்.*கோயில் சொத்தை அனுபவிப்பவர்கள், குத்தகை தர மறுப்பவர்கள் எல்லாம் நன்றாக வாழ்கிறார்களே... நன்றாக இருப்பது போல் இப்போது தெரியும். நெருங்கிப் பார்த்தால்தான் உண்மை புரியும். குடும்பத்தில் எவ்வளவு பிரச்னை, குறை என்பது! அநியாயம் செய்யும் இவர்களும், இவர்களின் சந்ததியும் நன்றாக வாழ்ந்ததாக வரலாறே கிடையாது.பி.சுவாமிநாதன், ராயப்பாக்கம், சென்னை. *பெண் தெய்வங்களுக்கு யக்ஞோபவீதம் (பூணுால்) உண்டா?உண்டு. இதைச் சொன்னால் நாங்களும் அணிந்தால் என்ன என்று பெண்கள் கேட்கலாம்.பெண் வேறு; பெண் தெய்வம் வேறு என்பதை புரிந்து கொள்ளுங்கள். இ.செல்வம், பொய்கை மேடு, சங்கரன்கோவில். *நவக்கிரகங்களை எப்படி வலம் வர வேண்டும்?வலம் என்ற சொல் வலதுபுறத்தைக் குறிக்கும். ஆகவே, தெய்வத்தை வலப்புறமே சுற்ற வேண்டும். கு.குருபிரசாத், பப்பன்கிலேவ், டில்லி. *விநாயகரை வழிபட்டு பசுவிற்கு அகத்திக்கீரை கொடுத்தால் பிதுர்தோஷம் நீங்குமா?பிதுர்தோஷம் நீங்கும். தடையின்றி செயல்கள் நிறைவேறும்.பி.அருணா, மைசூரு.*எந்தக் கோயில்களில் தென்னை தலவிருட்சமாக உள்ளது?திருவாரூர் மாவட்டம் திருத்தெங்கூர், தஞ்சாவூர் மாவட்டம் வடகுரங்காடுதுறை சிவன் கோயில்களில் தென்னை மரம் தான் தலவிருட்சம்.அ.ரவீந்திரன், குஞ்சன்விளை, கன்னியாகுமரி. *திருவண்ணாமலையில் சித்தர்களைப் பார்க்க முடியுமா?முடியும். நம் உள்ளுணர்வை அறியும் ஆற்றல் பெற்றவர்கள் சித்தர்கள். அதனால் அவர்களைத் தரிசித்து அருள்பெறுங்கள். கே.விக்னேஷ், ஆவடி, திருவள்ளூர். *குலதெய்வம் தெரியாவிட்டால் இஷ்டதெய்வத்தை வழிபடலாமா?தாராளமாக வழிபடலாம். பரம்பரையாக வழிபட்டு வருவது குலதெய்வம். மனதிற்கு பிடித்த தெய்வத்தை வழிபடுவது இஷ்டதெய்வம். இரண்டுமே அவசியம்.எம். செல்வி, நயினார்மண்டபம், புதுச்சேரி. *சில நேரங்களில் அமாவாசை, கார்த்திகை இரண்டு நாட்கள் தொடர்ந்து இருந்தால் எப்படி விரதமிருப்பது?அமாவாசைக்கு தர்ப்பணம் முக்கியம் என்பதால், பகல் பொழுதில் திதி அதிகமாக இருக்கும் நாளையும், கார்த்திகையன்று மாலை நேரம் முக்கியம் என்பதால் இரவில் நட்சத்திரம் இருக்கும் நாளையும் கணக்கில் எடுத்துக் கொள்ளுங்கள்.ஏ.வசந்த குமாரி, கிண்ணிமங்கலம், மதுரை. *திதி கொடுக்க வாரிசு இல்லாமல் இறந்த ஒருவருக்கு முக்தி கிடைக்குமா?திதி கொடுக்காவிட்டால் இறந்தவரின் பங்காளிகளுக்கு தோஷம் ஏற்படும்.ஆனாலும் இறந்தவர் புண்ணிய ஆத்மாவாக இருந்தால் முக்தி அடைவார். பி.அருண், அல்லிநகரம், தேனி *மன்னிக்க முடியாத பாவம் எது?மன்னிக்க முடியாத பாவம் 'நம்பிக்கைத் துரோகம்'.