கேளுங்க சொல்கிறோம்

க.விஜய், சைதாப்பேட்டை, சென்னை.*முருகனுக்குரிய கார்த்திகை நட்சத்திரம் விநாயகருக்கும் உகந்தது என்கிறார்களே…கார்த்திகைப் பெண்களால் வளர்க்கப்பட்டவர் முருகன். அதனால் அவருக்குரிய நட்சத்திரம் கார்த்திகை. அவரது அண்ணன் தானே விநாயகர் அவரை வணங்குவதால் தவறு ஏதுமில்லை. டி.மைதிலி, பெங்களூரு. *கோபம், பொறாமை... எது ஆபத்தானது?போகப்போக கோபம் தணிந்து விடும். ஆனால் பொறாமை அப்படி இல்லை தானும் வாழாமல், பிறரையும் வாழ விடாது. அ.ரவீந்திரன், குஞ்சன்விளை, கன்னியாகுமரி. *கோயிலுக்கு தென்னங்கன்று காணிக்கை கொடுக்கலாமா?தாராளமாக கொடுக்கலாம். கடவுள் அருளால் குலம் தழைக்கும். ரா.ராகுல், வடுகப்பட்டி, தேனி. *குலதெய்வத்திற்கு எடுத்து வைத்த காணிக்கையை அவசர தேவைக்கு எடுக்கலாமா?எந்த அவசர தேவைக்கும் காணிக்கையை எடுக்க வேண்டாம். சி.தமயந்தி, கருவடிக்குப்பம், புதுச்சேரி.*விமானம், கோபுரம் இரண்டும் ஒன்றா...இல்லை.கோயிலின் வாசலில் இருப்பது கோபுரம். கருவறையின் மேலே இருப்பது விமானம்.கோ.சங்கர், கழுகுமலை, துாத்துக்குடி. *சாமுத்ரிகா லட்சணம் என்பது என்ன?இது ஒரு நுால். இதில் மனிதனின் அங்கங்களுக்கு ஏற்ப பலன்கள் சொல்லப்பட்டிருக்கும். எம்.உமா, பப்பன்கிலா, டில்லி.*முதியவர்களுக்கு திருஷ்டி ஏற்படுமா...கண்ணுாறு கழிக்கலாமா?திருஷ்டி என்பது பொதுவானதால், அவர்களுக்கும் கண்ணுாறு கழிக்கலாம். வி.வசந்தா, தோப்பூர், மதுரை.*சிவபெருமானுக்கு செம்பருத்திப்பூ சாத்தலாமா?சாத்தக் கூடாது. விநாயகர், முருகன், பார்வதி, சூரியனுக்கு ஏற்ற மலர் இது. கே.அப்புக்குட்டி, பாலக்காடு.*இறந்தவர்களின் உயிர் எங்கு செல்கிறது?மகன், மகள் செய்யும் இறுதிச் சடங்குகள் மூலம் இறந்தவரின் உயிர் பித்ருலோகத்தை அடையும். புண்ணியம் செய்திருந்தால் கடவுளின் திருவடியையும், பாவம் செய்திருந்தால் நரகத்திற்கு அல்லது பூமியில் மீண்டும் பிறப்பு எடுக்கும்.