ஒழுக்கத்திற்கான பயிற்சி

* நற்செயல் என்பது நற்குணத்தைப் பெறுவதாகும். எந்தச் செயலை நீ மனதில் நினைத்து அதனை பிறர் அறிவதை விரும்பவில்லையோ, அது பாவச் செயலாகும்.* அளவில் சிறிதாக இருப்பினும், தொடர்ந்து நிலையாக செய்யும் செயல்களையே இறைவன் நேசிக்கின்றான்.* இறைதிருப்தியைப் பெறும் நோக்குடன் மனிதன் தன் குடும்பத்தாருக்கு செலவிடுவதையும் ஓர் அறச்செயலாகவே இறைவன் காண்கின்றான்.* நாணமும், பாதையில் கிடக்கும் தொல்லை தரும் பொருட்களை அப்புறப்படுத்துவதும் இறை நம்பிக்கையின் பகுதிகளாகும்.* உங்கள் மீதும் நோன்பு கடமையாக்கப்பட்டு இருக்கின்றது, (அதன் மூலம்) நீங்கள் இறையச்சம்உடையவர்களாய்த் திகழக்கூடும்.* இறைவழிபாடுகள் சடங்குகள் அல்ல. இறையச்சம், ஒழுக்கம் ஆகியவற்றை அடைவதற்கான பயிற்சிகளே அவை.* ஹஜ்ஜின் போது இச்சைகளைத் தூண்டக்கூடிய செயல், தீவினை, சண்டை சச்சரவு ஆகியவற்றில் ஈடுபடக் கூடாது.- வேதவரிகளும் தூதர் மொழிகளும் நூலில் இருந்து