இறக்கை இல்லா எளிய பறவை!
அப்டெரிக்ஸ் ஆஸ்டரலிஸ் என்ற பறவை, இறக்கை இல்லாதது; ஆஸ்திரேலியா கண்டம் நியூசிலாந்து தீவில் அபூர்வமாக வாழ்கிறது. அதன் குரலை வைத்து, 'கிவி' பறவை என்றழைக்கின்றனர்.நீண்ட அலகும், பழுப்பு நிறமும் கொண்டது. மிக வேகமாக ஓடும்; நம் நாட்டுக் கோழியை விட, சற்று பெரிதாக இருக்கும். அலகு முனையில் மூக்கு உண்டு. கிவியில், ஐந்து வகைகள் உள்ளன. கிழக்கு ஆப்பிரிக்க தீவு நாடான மடகாஸ்கரில் வாழும் யானை பறவைகள், இதன் நெருங்கிய இனம். ௫௦ ஆண்டுகள் வரை உயிர் வாழும். வாரந்தோறும், 20 பறவைகள் இறப்பதாக நியூசிலாந்து அரசு மதிப்பிட்டுள்ளது. ஆபத்தின் விளிம்பில் உள்ள உயிரினமாக பகுக்கப்பட்டுள்ளது. ஐரோப்பியர், நியூசிலாந்தில் குடியேறிய பின், கிவி பறவை எண்ணிக்கை குறைந்தது.இப்போது, ஒரு சிறு தீவில் மட்டும் உள்ளன; நியூசிலாந்து அரசு, இவற்றை காப்பாற்ற நடவடிக்கை எடுத்து வருகிறது.கிவி பறவை, இரவில் தான் வெளியே வரும். அதன் உணவு, பூச்சி, புழுக்களாகும். தரையில் காலைத் தட்டி, புழுக்களை கண்டுபிடித்து உண்ணும்; அலகாலும், காலாலும் தரையைத் தோண்டியும் உண்ணும்.