கார்த்திகை ஸ்பெஷல்!
கடலை உருண்டை! தேவையான பொருட்கள்: உடைத்த வேர்க்கடலை - இரண்டு கப், பாகு வெல்லம் - ஒன்றரை கப், நெய் - இரண்டு தேக்கரண்டி. செய்முறை: வெல்ல பாகை, முற்றிய பதத்தில் எடுத்து, அதில் நெய் ஊற்றி உடைத்த வேர்க்கடலை போட்டு நன்கு கலந்து கொள்ளவும். இந்தக் கலவை சிறிது ஆறியவுடன், கைகளில் நெய்யை தொட்டுக் கொண்டு, உருண்டைகளாக பிடிக்கவும். டிப்ஸ்: இளம் பாகாக இருந்தால் உருண்டை பிடிக்க வராது. பொரி உருண்டைதேவையான பொருட்கள்:பொரி - ஒரு கட், வெல்லம் - ஒன்றரை கப், பொட்டுக்கடலை, வேர்க்கடலை - தலா ஒரு தேக்கரண்டி.செய்முறை:வெல்லத்தில் சிறிது தண்ணீர் ஊற்றி, பாகு காய்ச்சவும். பாகு, கம்பி பதம் வந்ததும், அதில் பொரி, பொட்டுக்கடலை மூன்றையும் போட்டு நன்கு கலந்து உருண்டைகளாக பிடிக்கவும்.டிப்ஸ்: பொட்டுக்கடலை, வேர்கடலை இரண்டையும் கொரகொரப்பாக தூள் செய்தும் சேர்க்கலாம்.பொட்டுக்கடலை, வேர்க்கடலை, எள் உருண்டை! தேவையான பொருட்கள்: எள் - ஒரு கப், வெல்லம் - ஒன்றரை கப், பொட்டுக்கடலை, வேர்க்கடலை - தலா ஒரு தேக்கரண்டி. செய்முறை: எள்ளை சுத்தம் செய்து, வெறும் வாணலியில் சிறிது வறுக்கவும். பிறகு, அத்துடன் பொரி உருண்டைக்கு பாகு வைத்தது போலவே பாகு எடுத்து அதில், பொட்டுக்கடலை, வேர்க்கடலை மூன்றையும் கலந்து உருண்டை பிடிக்கவும். டிப்ஸ்: எள் படபடவென்று பொரிந்தவுடனே கீழே இறக்கி, ஒரு தட்டில் கொட்டிவிட்டால் தீய்ந்துப் போவதை தடுக்கலாம்.