சர்வதேச கடல்சார் அமைப்பில் இந்தியாவுக்கு மீண்டும் இடம்

புதுடில்லி:லண்டனை தலைமையிடமாக கொண்டு செயல்படும் சர்வதேச கடல்சார் அமைப்பில் இந்தியா, இடம்பிடித்துள்ளது. இதுகுறித்து வெளியிடப்பட்டுள்ள அரசின் அறிக்கையில் தெரிவித்துள்ளதாவது: சர்வதேச கடல்சார் அமைப்பின் கீழ் இயங்கும் கவுன்சிலில் இந்தியா மீண்டும் இடம்பெற்றுள்ளது. பத்து நாடுகளை கொண்ட இக்கவுன்சில், கடல் வணிகத்தில் அதிக கவனம் செலுத்தும். லண்டனில் உள்ள சர்வதேச கடல் சார் அமைப்பின் 34வது அமர்வில் ரகசிய வாக்கெடுப்பு நடத்தப்பட்டது. இதில், பி பிரிவில் மிக அதிக அளவாக இந்தியாவுக்கு, 169ல் 154 வாக்குகள் கிடைத்திருக்கின்றன. இதன் வாயிலாக, இந்தியா இரண்டு ஆண்டுகள் (2026-27) கவுன்சிலில் உறுப்பினராக இருக்கும். வாரியத்தின் 176 உறுப்பினர் நாடுகளில் 40 தேர்ந்தெடுக்கப்பட்ட உறுப்பினர்கள் மூன்று வகையான கவுன்சில்களில் இடம்பெறுவர். இவ்வாரியத்தில் இணைவதன் வாயிலாக இந்தியா, கடல்சார் வணிகத்தில் சர்வதேச சமூகத்தின் பெருவாரியான ஆதரவைபெற்றிருப்பது உறுதியாகியுள்ளது. இவ்வாறு அதில் தெரிவிக்கப்பட்டுள்ளது.