பங்கு சந்தை நிலவரம்

நிப்டி

முந்தைய முடிவு: 22,474.05நேற்றைய முடிவு: 22,493.55மாற்றம்: 19.50 ஏற்றம் பச்சை

சென்செக்ஸ்

முந்தைய முடிவு: 74,085.99நேற்றைய முடிவு: 74,119.39மாற்றம்: 33.40 ஏற்றம் பச்சை

புதிய உச்சம் கண்ட குறியீடுகள்

 நேற்றைய வர்த்தகத்தில் சென்செக்ஸ், நிப்டி குறியீடுகள் புதிய உச்சத்தை தொட்டன. உலோகம் மற்றும் நுகர்பொருள் துறைகளில் அதிக லாபம் ஈட்டப்பட்டதை அடுத்து, இக்குறியீடுகள் புதிய உச்சம் கண்டன. வர்த்தகத்தின் இடையே சென்செக்ஸ் 74,245 புள்ளிகளையும், நிப்டி 22,526 புள்ளிகளையும் தொட்டது குறிப்பிடத்தக்கது. டாடா குழுமத்தைச் சேர்ந்த, 'டாடா மோட்டார்ஸ், டாடா ஸ்டீல், டாடா பவர்' போன்ற பல நிறுவனங்கள், நேற்றைய வர்த்தகத்தில் நல்ல லாபத்தை கண்டன கடந்த பிப்ரவரியில் வாகன விற்பனை, 13 சதவீதம் அளவுக்கு உயர்வை கண்டதாகவும்; பயணியர் வாகன விற்பனை, 12 சதவீதம் அதிகரித்துள்ளதாகவும் வாகன முகவர்கள் சங்கம் தெரிவித்ததை அடுத்து, வாகன பங்குகள் விலை அதிகரித்தன நடப்பு நிதியாண்டில், எதிர்பார்த்ததை விட பொருளாதார வளர்ச்சி வேகமாக இருக்கும் என்ற நம்பிக்கையால் உலோகம், மூலதன பொருட்கள் சார்ந்த பங்குகள் விலை உயர்ந்தன ஆசிய சந்தைகளை பொறுத்தவரை, சியோல் மட்டுமே ஏற்றத்தை கண்டது. மற்ற சந்தைகளான டோக்கியோ, ஷாங்காய், ஹாங்காங் ஆகியவை இறக்கத்தை சந்தித்தன ஐரோப்பிய சந்தைகள் தள்ளாட்டம் போட்டுக்கொண்டிருந்த நிலையில், புதன் கிழமையன்று அமெரிக்க சந்தைகள் சாதகமான நிலைக்கு திரும்பி இருந்தன அன்னிய நிறுவன முதலீட்டாளர்கள், புதன் அன்று 2,767 கோடி ரூபாய் அளவுக்கு பங்குகளை வாங்கி குவித்தனர் உலக சந்தையில் பிரன்ட் கச்சா எண்ணெய் விலை, 1 பேரலுக்கு 0.65 சதவீதம் சரிந்து, 82.42 டாலராக இருந்தது டாலருக்கு எதிரான இந்திய ரூபாயின் மதிப்பு 10 பைசா அதிகரித்து, 82.73 ரூபாயாக இருந்தது.

நிறுவனங்கள் நிலை

மும்பை பங்கு சந்தை ஏற்றம் கண்டவை: 54%இறக்கம் கண்டவை: 43%மாற்றம் காணாதவை: 3%

ஏற்றம் கண்ட பங்குகள்

* டாடா ஸ்டீல்* டாடா கன்ஸ்யூமர்* பஜாஜ் ஆட்டோ* டாடா மோட்டார்ஸ்* ஜெ.எஸ்.டபிள்யு., ஸ்டீல்

இறக்கம் கண்ட பங்குகள்

* மஹிந்திரா அண்டு மஹிந்திரா* பி.பி.சி.எல்.,* ரிலையன்ஸ்* ஆக்ஸிஸ் பேங்க்* ஐ.சி.ஐ.சி.ஐ., பேங்க்