மாநில அளவிலான யோகா போட்டி தனிநபர் பிரிவில் சென்னை மாணவர் முதலிடம்

பெரியமேடு: மாநில அளவிலான யோகா போட்டியில், தனிநபர் பிரிவில், சென்னை மாணவர் முதலிடம் பிடித்தார். தமிழ்நாடு விளையாட்டு யோகாசன சங்கம் சார்பில், மாநில அளவிலான யோகா போட்டி, நேரு உள்விளையாட்டு அரங்கில் நடந்தது. ஆறு வயது முதல் 21 வயது வரையிலான மாணவ, மாணவியர், 1,000த்திற்கும் மேற்பட்டோர் கலந்து கொண்டனர். எட்டு பிரிவுகளில் போட்டி நடந்தது. அதில் ஒவ்வொருவரும், ஐந்து பிரிவுகளில் பங்கேற்றனர். தனிநபர் பிரிவு போட்டியில், சென்னை ஆவடியை சேர்ந்த சபரீஷ், முதலிடத்தை பிடித்தார். வெற்றி பெற்றவர்களுக்கு, சான்றிதழ்கள் வழங்கப்பட்டன.