அரையிறுதியில் லக்சயா: ஆசிய ஜூனியர் பாட்மின்டனில்

செங்டு: ஆசிய ஜூனியர் பாட்மின்டன் ஒற்றையர் பிரிவு அரையிறுதிக்கு இந்தியாவின் லக்சயா, திக் ஷா முன்னேறினர்.சீனாவின் செங்டு நகரில், ஆசிய ஜூனியர் (15, 17 வயது) பாட்மின்டன் சாம்பியன்ஷிப் தொடர் நடக்கிறது. நேற்று, காலிறுதி போட்டிகள் நடந்தன. பெண்கள் ஒற்றையரில் (17 வயது) இந்தியாவின் லக்சயா, தாய்லாந்தின் லலிதா மோதினர். இதில் லக்சயா 11-21, 21-16, 21-19 என்ற கணக்கில் வெற்றி பெற்று அரையிறுதிக்கு முன்னேறினார். மற்றொரு போட்டியில் இந்தியாவின் திக் ஷா 21-17, 21-8 என, இந்தோனேஷியாவின் ரைசியாவை தோற்கடித்தார்.பெண்கள் ஒற்றையர் பிரிவு (15 வயது) போட்டியில் இந்தியாவின் ஷைனா 21-14, 21-16 என, ஜப்பானின் யூபிகி அஜுமாயாவை வீழ்த்தி அரையிறுதிக்குள் நுழைந்தார். மற்றொரு போட்டியில் இந்தியாவின் அன்வி ரத்தோர் தோல்வியடைந்தார்.பெண்கள் இரட்டையர் பிரிவில் (17 வயது) இந்தியாவின் அதிதி, பொன்னம்மா விருத்தி ஜோடி 17-21, 14-21 என சீனாவின் லின் லின் ஜியாங், யூ ஜின் ஜியாங் ஜோடியிடம் தோல்வியடைந்தது.