ஹாக்கி: நியூசிலாந்து முதல் வெற்றி

இபோ: சுல்தான் அஸ்லான் ஷா கோப்பை ஹாக்கி லீக் போட்டியில் நியூசிலாந்து அணி 3-1 என, தென் கொரியாவை வீழ்த்தியது.மலேசியாவின் இபோ நகரில், சுல்தான் அஸ்லான் ஷா கோப்பை ஹாக்கி 31வது சீசன் நடக்கிறது. இதில் இந்தியா, கனடா, பெல்ஜியம் உள்ளிட்ட 6 அணிகள் பங்கேற்கின்றன.நேற்று நடந்த லீக் போட்டியில் நியூசிலாந்து, தென் கொரியா அணிகள் மோதின. முதல் பாதி 1-1 என சமநிலையில் இருந்தது. இரண்டாவது பாதியில் எழுச்சி கண்ட நியூசிலாந்து அணிக்கு கேப்டன் சாம் லேன் (49வது நிமிடம்), நிக்கோலஸ் லிட்ஸ்டோன் (51வது) தலா ஒரு கோல் அடித்து கைகொடுத்தனர்.ஆட்டநேர முடிவில் நியூசிலாந்து அணி 3-1 என்ற கோல் கணக்கில் முதல் வெற்றியை பதிவு செய்தது. மலேசியாவுக்கு எதிராக 'டிரா' செய்த நியூசிலாந்து, 2 போட்டியில், ஒரு வெற்றி, ஒரு 'டிரா' என, 4 புள்ளிகளுடன் முதலிடத்தில் உள்ளது.மற்றொரு லீக் போட்டியில் மலேசியா, கனடா அணிகள் மோதின. இதில் மலேசிய அணி 3-2 என்ற கணக்கில் வெற்றி பெற்றது.இந்தியா, பெல்ஜியம் அணிகளுக்கு இடையிலான போட்டி கனமழை காரணமாக ஒத்திவைக்கப்பட்டது (நவ. 25).