யூனிட் ஆப் தமிழகம் அணி மாவட்ட ஹாக்கியில் அபாரம்

சென்னை: திருவள்ளூர் மாவட்ட ஹாக்கி லீக் அமைப்பு சார்பில், மாவட்ட ஹாக்கி லீக் போட்டிகள், நேற்று முன்தினம் போரூரில் உள்ள தனியார் பல்கலை வளாகத்தில் துவங்கின.இதில், தயாந்த் வீரன்ஸ், எஸ்.எம்., நகர், இந்தியன் வங்கி, வருமான வரி, மாஸ்கோ மாஜிக் உள்ளிட்ட எட்டு அணிகள், 'லீக்' முறையில் மோதி வருகின்றன.நேற்று முன்தினம் மாலை நடந்த போட்டியில், ஹாக்கி யூனிட் ஆப் தமிழகம் மற்றும் தயாந்த் வீரன்ஸ் அணிகள் மோதின. விறுவிறுப்பான ஆட்டத்தில் முதல் பாதியில் இரு அணிகளும் எந்த கோல்களும் அடிக்காமல், 0 - 0 என்ற கணக்கில் சமநிலையில் இருந்தன. போட்டியின் 46 நிமிடத்தில், தயாந்த் வீரன்ஸ் அணி வீரர் லக்ஷ்மண் கரன் ஒரு கோல் அடித்தார். ஆனால், அதன்பின் சிறப்பான ஆட்டத்தை வெளிப்படுத்திய யூனிட் ஆப் தமிழக அணி, 52, 56, 59 ஆகிய நிமிடங்களில் வரிசையாக கோல்களை அடித்து, 3 - 1 என்ற கணக்கில் வெற்றி பெற்றது. போட்டிகள் தொடர்ந்து, வார இறுதி நாட்கள் மட்டுமே நடக்கின்றன.