டிவிஷன் கிரிக்கெட் லீக் பட்டபிராம் சி.ஏ., அபாரம்

சென்னை, திருவள்ளூர் கிரிக்கெட் சங்கம் சார்பில், டிவிஷன் கிரிக்கெட் லீக் சாம்பியன்ஷிப் போட்டிகள், திருவள்ளூர் மாவட்டத்தில் பல்வேறு இடங்களில் நடந்து வருகின்றன. அந்தவகையில், இரண்டாவது டிவிசன் போட்டியில், பட்டபிராம் கிரிக்கெட் அகாடமி அணி மற்றும் ஐ.இ.சி., ஆர்.சி., அணிகள் மோதின.இதில், முதலில் பேட் செய்த பட்டபிராம் அணி, 29.1 ஓவர்களில் 'ஆல் அவுட்' ஆகி, 149 ரன்கள் எடுத்தது. அணியின் வீரர் அரவிந்த் 53 ரன்களை அடித்தார்.அடுத்து களமிறங்கிய ஐ.இ.சி., ஆர்.சி., அணி, 30 ஓவர்களில் ஒன்பது விக்கெட் இழப்பிற்கு 142 ரன்கள் அடித்து, ஏழு ரன்கள் வித்தியாசத்தில் தோல்வியை தழுவியது. போட்டிகள் தொடர்ந்து நடக்கின்றன.