தி.மு.க., கொடி கம்பம் சாய்ந்து இருசக்கர வாகன ஓட்டி காயம்

வண்டலுார்: துணை முதல்வர் உதயநிதியை வரவேற்க, வண்டலுாரில் சாலை நடுவே நடப்பட்ட தி.மு.க,, கொடி கம்பம் சரிந்து விழுந்து, அவ்வழியாக சென்ற இருசக்க ர வாகன ஓட்டி காயமடைந்தார். செங்கல்பட்டு மாவட்டம், வண்டலுார் அடுத்த மேலக்கோட்டையூர், தமிழ்நாடு உடற்கல்வி பல்கலைக்கு இன்று, துணை முதல்வர் உதயநிதி வருகிறார். அவரை வரவேற்கும் விதமாக, வண்டலுார்-- கேளம்பாக்கம் இடையிலான சாலையின் மைய தடுப்பு சுவரில், தி.மு.க., கொடியை ஊன்றும் பணியில் அக்கட்சியினர் ஈடுபட்டனர். இந்நிலை யில், மேற்கு தாம்பரம், இரும்புலியூர், திருவள்ளூர் பிரதான சாலையை சேர்ந்த போஸ்கோ, 42, என்பவர், தன் யமஹா பைக்கில், அந்த சாலையில் சென்றார். மதியம் 1:00 மணி அளவில் , கண்டிகை அடுத்து பாலாஜி பாலிடெக்னிக் அருகே வரும்போது, தி.மு.க.,வினர் நட்டு வைத்திருந்த கொடி கம்பம் சரிந்து, போ ஸ்கோ மீது விழுந்தது. நிலை தடுமாறிய போஸ்கோ, சாலையில் விழுந்தார். இந்த விபத்தில், அவரது கால் முட்டி மற்றும் வலது கையில் காயம் ஏற்பட்டது. தாகூர் மருத்துவமனைக்கு சென்ற போஸ்கோ, அங்கு சிகிச்சை பெற்று, வீடு திரும்பினார். கிளாம்பாக்கம் போலீசார் விசாரிக்கின்றனர்.