உள்ளூர் செய்திகள்

/ உள்ளூர் செய்திகள் / சென்னை /  கேலோ பேட்மின்டன் போட்டியில் எஸ்.ஆர்.எம்., பல்கலை வெள்ளி

 கேலோ பேட்மின்டன் போட்டியில் எஸ்.ஆர்.எம்., பல்கலை வெள்ளி

சென்னை: ராஜஸ்தான் மாநிலத்தில் நடந்த 'கேலோ' பல்கலை பேட்மின்டன் போட்டியில், சென்னை எஸ்.ஆர்.எம்., பல்கலை மாணவியர் வெள்ளிப்பதக்கம் வென்றனர். இந்திய விளையாட்டு ஆணையம் மற்றும் இந்திய பல்கலைக்கழக கூட்டமைப்பு இணைந்து நடத்தும், 'கேலோ' இந்திய பல்கலை விளையாட்டு போட்டிகள், ராஜஸ்தான் மாநிலத்தின் கோட்டாவில் நடந்தது. இதில், அனைத்து மாநில பல்கலைக்கழகங்களும் பங்கேற்றன. அந்த வகையில், மாணவியருக்கான பேட்மின்டன் போட்டி, நேற்று நடந்தது. அரையிறுதி போட்டியில் எஸ்.ஆர்.எம்., பல்கலை அணி, பஞ்சாபின் சிட்காரா பல்கலையை எதிர்த்து மோதியது. இதில், எஸ்.ஆர்.எம்., அணி 2 - 0 என்ற செட் கணக்கில், எதிரணியை வீழ்த்தி இறுதிப்போட்டிக்கு தகுதி பெற்றது. தொடர்ந்து நடந்த இறுதிப்போட்டியில், எஸ்.ஆர்.எம்., பல்கலை அணி, பஞ்சாபின் லவ்வி ப்ரொபஷனல் பல்கலை அணியை எதிர்த்து மோதியது. இதில் எஸ்.ஆர்.எம்., அணி 1 - 2 என்ற செட் கணக்கில் வீழ்ந்து, வெள்ளிப்பதக்கத்தை கைப்பற்றியது.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்



அதிகம் விமர்ச்சிக்கப்பட்டவை