இளநீர் பண்ணை விலை ஒரு ரூபாய் உயர்வு

பொள்ளாச்சி;பொள்ளாச்சி, ஆனைமலை தாலுகா பகுதியில், இளநீர் பண்ணை விலை கடந்த வார விலையை விட, ஒரு ரூபாய் உயர்ந்துள்ளது.ஆனைமலை இளநீர் உற்பத்தியாளர் சங்கத்தின், தலைமை ஒருங்கிணைப்பாளர் சீனிவாசன் கூறியதாவது:இந்த வாரம் நல்ல தரமான குட்டை நெட்டை வீரிய ஒட்டு இளநீரின் விலை கடந்த வார விலையை விட, ஒரு ரூபாய் உயர்த்தப்பட்டு, 40 ரூபாயாக நிர்ணயம் செய்யப்படுகிறது. ஒரு டன் இளநீரின் விலை, 16,000 ரூபாய் என நிர்ணயம் செய்யப்பட்டுள்ளது.அனைத்து பகுதிகளிலும் கடுமையான வெயில் நிலவி வருகிறது. இளநீர் வரத்து மிகவும் குறைந்து தட்டுப்பாடு நிலவுகிறது.வரக்கூடிய வாரங்களில் இளநீரின் விலை உயர்வு தொடர்ந்து நீடிக்கும். குறைந்த விலைக்கு இளநீரை விற்க வேண்டாம் என அறிவுறுத்தப்படுகிறது. இவ்வாறு, அவர் தெரிவித்தார்.