ஆ குறுமைய பூப்பந்து போட்டியில் ராமகிருஷ்ணா மாணவர்கள் அபாரம்

கோவை : பள்ளிக்கல்வித்துறையின் 'ஆ' குறுமையத்துக்கு உட்பட்ட, மாணவர்களுக்கான பூப்பந்து மற்றும் கேரம் போட்டி, ராமகிருஷ்ணா பள்ளியில் நடந்தது.கோவை கல்வி மாவட்டத்துக்கு உட்பட்ட குறுமையங்கள் அளவிலான விளையாட்டு போட்டிகள் பல்வேறு பள்ளிகளில் நடக்கின்றன. இதன் 'ஆ' குறுமைய விளையாட்டு போட்டிகள் சி.எம்.எஸ்., பள்ளி சார்பில் நடத்தப்படுகிறது.இதன், பூப்பந்து மற்றும் கேரம் போட்டி, ஆவாரம் பாளையம் ஸ்ரீ ராமகிருஷ்ணா மெட்ரிக்., பள்ளியில் நடந்தது. இதில் 'ஆ' குறுமையத்துக்கு உட்பட்ட பல்வேறு பள்ளிகளை சேர்ந்த, 100க்கும் மேற்பட்ட மாணவர்கள் பங்கேற்று, தங்கள் திறமையை வெளிப்படுத்தினர்.பூப்பந்து போட்டியில், 14 வயது மாணவர்கள் பிரிவில் ராமகிருஷ்ணா முதலிடம், கணபதி அரசு பள்ளி இரண்டாமிடம்; 17 வயது பிரிவில் ராமகிருஷ்ணா பள்ளி முதலிடம், கே.ஜி., மெட்ரிக்., இரண்டாமிடம்; 19 வயது பிரிவில் ராமகிருஷ்ணா முதலிடம், கணபதி அரசு பள்ளி இரண்டாமிடம் பிடித்தன.14 வயது மாணவியர் பிரிவில் கணபதி அரசு பள்ளி அணி முதலிடம், ராமகிருஷ்ணா இரண்டாமிடம்; 17 வயது பிரிவில் ராமகிருஷ்ணா பள்ளி முதலிடம், கணபதி அரசு பள்ளி இரண்டாமிடம்; 19 வயது பிரிவில் ராம கிருஷ்ணா பள்ளி அணி முதலிடம் பிடித்தன.