வாழைத்தார் வரத்து சரிவு: விலை உயர்வால் மகிழ்ச்சி

கிணத்துக்கடவு: கிணத்துக்கடவு தினசரி காய்கறி மார்க்கெட்டில் வாழைத்தார் வரத்து குறைந்த நிலையில், விலை உயர்ந்தது. கிணத்துக்கடவு தினசரி மார்க்கெட்டில் நேற்று செவ்வாழை கிலோ - 65, நேந்திரன் --- 37, பூவன் --- 40, கதளி --- 30, ரஸ்தாளி --- 40, சாம்பிராணி வகை வாழைத்தார் --- 45 ரூபாய்க்கு விற்பனையானது. கடந்த வாரத்தை காட்டிலும், தற்போது நேந்திரன் கிலோ -- 12, கதளி, பூவன் மற்றும் சாம்பிராணி வாழைத்தார்கள் விலை கிலோவுக்கு, 5 ரூபாய் அதிகரித்துள்ளது. வியாபாரிகள் கூறுகையில், 'மழை காரணமாக மார்க்கெட்டில் வாழைத்தார் வரத்து குறைவாக இருந்தது. வெளியூர் வரத்தும் இந்த வாரம் இல்லை. இதனால், வாழைத்தார்கள் விலை அதிகரித்ததால், விவசாயிகள் மகிழ்ச்சியடைந்தனர்,' என்றனர்.