ஜெயப்பிரியா வித்யாலயா பள்ளியில் தினமலர் -பட்டம் இதழ் வழங்கல்

மந்தாரக்குப்பம்: விருத்தாசலம் ஜெயப்பிரியா வித்யாலயா சி.பி.எஸ்.இ., பள்ளியில் 'தினமலர்- பட்டம் ' இதழ் வழங்கப்பட்டது.மாணவ, மாணவியரின் வாசிப்பை திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுப்பிடிப்புகள், விஞ்ஞான வளர்ச்சி, தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது. அந்த வகையில் விருத்தாசலம் ஜெயப்பிரியா வித்யாலயா சி.பி.எஸ்.இ., பள்ளி கல்வி குழுமங்களின் தலைவர் ஜெய்சங்கர் தலைமை தாங்கி பள்ளி மாணவ, மாணவிகளுக்கு பட்டம் இதழ் வழங்கினர். பள்ளி முதல்வர் நித்யா, ஆசிரியர்கள், மாணவர்கள் பலர் உடனிருந்தனர்.