கடலுாரில் மழை பாதிப்பு : பிரதான சாலைகள் வெறிச் பிரதான சாலைகள் வெறிச்

கடலுார்: கடலுாரில் மழை காரணமாக பிரதான சாலைகள் மக்கள் நடமாட்டமின்றி வெறிச்சோடி காணப்பட்டன. தமிழக கடலோர பகுதி களை நோக்கி 'டிட்வா' புயல் நகர்ந்து வருகிறது. இதனால் தமிழகத்தில் கனமழை பெய்யும் என வானிலை ஆய்வு மையம் எச்சரிக்கை விடுத்துள்ளது. புயல் சின்னம் காரணமாக கடலுார் மாவட்டத்தில் நேற்று முன்தினம் நள்ளிரவு முதல், பரவலாக கனமழை பெய்து வருகிறது. கடலுார் மாவட்டத்திற்கு 'ரெட்' அலர்ட் விடுக்கப்பட்டது. முன்னெச்சரிக்கை நடவடிக்கையாக பள்ளி மற்றும் கல்லுாரிகளுக்கு விடுமுறை அளிக்கப்பட்டன. மழை காரணமாக மக்கள் வீடுகளை விட்டு வெளியே வர முடியாமல் வீட்டிற்குள் முடங்கினர். மழையால் மக்களின் இயல்பு வாழ்க்கை பாதிக்கப்பட்டது. கடலுார் பஸ் ஸ்டாண்ட், லாரன்ஸ்ரோடு உள்ளிட்ட பிரதான சாலைகள் மக்கள் மற்றும் போதிய வாகனங்கள் நடமாட்டம் இன்றி வெறிச்சோடி காணப்பட்டன. லாரன்ஸ் ரோட்டில் குளம் போல் தேங்கி நின்ற மழைநீரில் வாகனங்கள் ஊர்ந்து சென்றன.