ஒரு கிலோ குண்டுமல்லி ரூ.1,600க்கு விற்பனை

தர்மபுரி, கார்த்திகை மாதத்தில் ஐயப்பனுக்கு பக்தர்கள் மாலை அணிந்து, கோவில்களில் தொடர் பூஜை நடத்துவதாலும், இன்று மற்றும் நாளை சுப மூகூர்த்த தினம் என்பதாலும் பூக்களின் தேவை அதிகரித்தது. அதே சமயம், மாவட்டத்தில் பனிப்பொழிவு காரணமாக, பூக்கள் வரத்து குறைந்து விலை அதிகரித்து காணப்பட்டது. நேற்று முன்தினம் ஒரு கிலோ குண்டுமல்லி, 1,000, கனகாம்பரம், 800, காக்கடான், 700, சன்னமல்லி, 1,200, ஜாதிமல்லி, 700, சம்பங்கி, 50, பன்னீர்ரோஸ், 140, பட்டன்ரோஸ், 160, சாமந்தி, 120, செண்டுமல்லி, 40, அரளி, 200 ரூபாய் என விற்பனையானது. நேற்று விலை உயர்ந்து ஒரு கிலோ குண்டுமல்லி, 1,600, கனகாம்பரம், 1,400, காக்கடான், 1,000, சன்னமல்லி, 1,600, ஜாதிமல்லி, 800, சம்பங்கி, 80, பன்னீர்ரோஸ், 160, பட்டன்ரோஸ், 220, சாமந்தி, 140, செண்டுமல்லி, 50, அரளி, 240 ரூபாய் என, 5 டன் பூக்கள் விற்பனையானதாக வியாபாரிகள் தெரிவித்தனர்.