கோபிசெட்டிபாளையம்: கோபி வட்டாரத்தில் வாழையில் ஊடுபயிராக பூசணி பயிரிடப்பட்டுள்ளது.கோபி, கள்ளிபட்டி, கணக்கம்பாளையம், வாணிப்புத்தூர், டி.என்.பாளையம், சத்தி,
அந்தியூர், அத்தாணி, ஆப்பக்கூடல், கொளப்பலூர், திங்களூர், சிறுவலூர்,
பெருந்துறை உள்ளிட்ட இடங்களில், 20 முதல் 25 ஆயிரம் ஏக்கரில் வெள்ளை பூசணி,
சாம்பார் பூசணி மற்றும் சேனைக் கிழங்கு பயிரிடப்படுகிறது.வெள்ளைப் பூசணி மற்றும் சாம்பார் பூசணி தனியாகவும், வாழையில் ஊடுபயிராகவும்
பயிரிடப்படுகிறது. பூசணி, 90 முதல், 120 நாட்களில் அறுவடைக்கு தயாராகி
விடும். ஏக்கருக்கு, 20 டன் பூசணி கிடைக்கிறது.சேனைக் கிழங்கு எட்டு மாத பயிர். மஞ்சளில் அதிகளவில் ஊடுபயிர்
செய்யப்படுகிறது. களிமண் பகுதியில் சேனை கிழங்கு நன்கு வளரும். சேனைக்
கிழங்கு பத்து மாத பயிராக இருந்தாலும், ஏழு மாதத்தில் அறுவடைக்கு தயாராகி
விடும். ஒரு ஏக்கரில், 15 முதல் 20 டன் கிழங்கு உற்பத்தியாகிறது.கோபி வட்டாரத்தில் அறுவடை செய்யப்படும் வெள்ளை மற்றும் சாம்பல் பூசணி
மற்றும் சேனைக் கிழங்குகள், தமிழகத்தில் தஞ்சாவூர், சென்னை, திருச்சி,
கும்பகோணம் மற்றும் கேரளா, கர்நாடகா, துபாய் ஆகிய இடங்களுக்கு அதிகளவில்
அனுப்பப்படுகிறது. பூசணி மற்றும் சேனை பயிரிடுவதில் விவசாயிகள் ஆர்வம்
காட்டி வருகின்றனர்.வாழை விவசாயி ஒருவர் கூறியதாவது:கோபி சுற்று வட்டாரத்தில் வெள்ளை பூசணி, சாம்பார் பூசணி தனியாகவும்,
வாழையில் ஊடுபயிõகவும் பயிரிடப்பட்டுள்ளது. பூசணிக்கு களை எடுக்கும் பணி
இல்லை. ஏக்கருக்கு 30 முதல் 50 ஆயிரம் ரூபாய் வரை செலவாகும். 15 முதல் 20
டன் கிடைக்கும். வெள்ளை பூசணி ஒரு டன் 7000 ரூபாய்க்கு விற்பனையாகிறது.
சிறிய காய் 5000 ரூபாய்க்கு கிடைக்கிறது.சேனை கிழங்கு பயிரிட ஒரு ஏக்கருக்கு நான்கு டன் விதை இருந்தால் போதும்,
மூன்று மாதத்துக்கு பிறகு களை எடுத்து, இரண்டு மூட்டை பொட்டாஷ், இரண்டு
மூட்டை டி.ஏ.பி., வைத்தால் போதும். வெறும் எந்த பணியும் செய்ய தேவையில்லை.
ஏக்கருக்கு, 60 ஆயிரம் ரூபாய் வரை செலவாகும். ஏக்கருக்கு, 15 முதல், 20 டன்
கிடைக்கும்.வாழை மற்றும் மஞ்சளில் செண்டுமல்லி ஊடுபயிராக செய்யலாம். ஒரு கிலோ பாக்கெட்
செண்டுமல்லி விலை, 2,000 ரூபாய்க்கு விற்கப்படுகிறது. ஏக்கருக்கு ஒரு கிலோ
விதை பயன்படுத்தலாம். மாதம் இரு முறை மருந்து தெளிக்க வேண்டும்.
செண்டுமல்லி மூன்று மாத பயிர். அறுவடைக்கு தயாரான பின், எட்டு வாரங்கள் பூ
அறுவடை செய்யலாம். கிலோ ஆறு ரூபாய்க்கு விற்பனை செய்கிறோம். ஏக்கருக்கு
எட்டு டன் பூ கிடைக்கும்.இவ்வாறு அவர் கூறினார்.