ஈரோடு, கோபியில் இன்று குறைதீர் கூட்டம்

கோபி: கோபி மின் பகிர்மான வட்டத்தின், கோபி பகுதியில் உள்ள மின் உபயோகிப்பாளருக்கான, மாதாந்திர குறைதீர் கூட்டம், இன்று காலை, 11:00 மணி முதல், மதியம், 1:00 மணி வரை, கோபி செயற்பொறியாளர் அலுவலகத்தில் நடக்கிறது. இதேபோல் ஈரோடு மின் பகிர்மான வட்ட மேற்பார்வை பொறியாளர் கலைசெல்வி தலைமையில், ஈரோட்டில் ஈ.வி.என்.சாலையில் உள்ள செயற்பொறியாளர் அலுவலகத்தில், இன்று குறைதீர் கூட்டம் நடக்கிறது. இதில் ஈரோடு மாநகர், கருங்கல்பாளையம், மரப்பாலம், சூரம்பட்டி, ரங்கம்பாளையம், வீரப்பன்சத்திரம், சம்பத் நகர், திண்டல், அக்ரஹாரம், மேட்டுக்கடை, சித்தோடு, கவுந்தப்பாடி பகுதி பயனீட்டாளர்கள் குறை, கோரிக்கைகளை மனுவாக வழங்கி தீர்வு பெறலாம்.