கள்ளக்குறிச்சி கமிட்டியில் ரூ.7.73 லட்சம் வர்த்தகம்

கள்ளக்குறிச்சி: கள்ளக்குறிச்சி மார்க்கெட் கமிட்டியில் 7.73 லட்சம் ரூபாய்க்கு வர்த்தகம் நடந்தது. கள்ளக்குறிச்சி மார்க்கெட் கமிட்டிக்கு நேற்று மக்காச்சோளம் 300 மூட்டை, கம்பு 13, வேர்க்கடலை, எள் தலா 10, உளுந்து 3, சிவப்பு சோளம் ஒரு மூட்டை என 337 மூட்டை விளை பொருட்களை விவசாயிகள் கொண்டு வந்தனர். சராசரியாக ஒரு மூட்டை மக்காச்சோளம் 1,827, கம்பு 2,787, வேர்க்கடலை 7,544, எள் 9,609, உளுந்து 4,949, சிவப்பு சோளம் 2,529 ரூபாய்க்கு கொள்முதல் செய்யப்பட்டது. கமிட்டியில் நேற்று மொத்தமாக 7 லட்சத்து 73 ஆயிரத்து 237க்கு வர்த்தகம் நடந்தது. இதேபோல், சின்னசேலம் மார்க்கெட் கமிட்டிக்கு மக்காச்சோளம் 12 மூட்டைகள் கொள்முதல் செய்யப்பட்டது. ஒரு மூட்டை மக்காச்சோளம் 1,895 ரூபாய் என மொத்தம் 3 லட்சத்து 34 ஆயிரத்து 228 ரூபாய்க்கு வர்த்தகம் நடந்தது. தியாகதுருகம் கமிட்டியில் கம்பு 21 மூட்டை, நெல் 17, மக்காச்சோளம் 11, எள் 1 மூட்டை என மொத்தம் 50 மூட்டை வரத்து இருந்தது. சராசரியாக கம்பு 3100 ரூபாய், நெல் 2,350, மக்காச்சோளம் 1,900, எள் 6,100 ரூபாய்க்கு கொள்முதல் செய்யப்பட்டது. மொத்தம் ஒரு லட்சத்து 22 ஆயிரத்து 526 ரூபாய்க்கு வர்த்தகம் நடந்தது.